افغانستان کې د بشر حقونو او ښځو چارو لپاره دامریکا متحده ایالاتو ځانګړې استازې وایي له طالبانو سره د هر ډول پرمختګ لپاره له هر ډول زیانمنو ټولنو څخه ملاتړ او د ښځو او نجونو حقوق ملاتړ اړین دی.
امیري تېره شپه د یو لړ ټویټونو په خپرولو سره د طالبانو له لوري د بشرحقونو کمیسیون، پر اساسي قانون د څار کمیسیون او د ملي روغې جوړې کمیسیون د انحلال په اړه اندېښنه ښودلې.
نوموړې زیاته کړې؛ چې د یادو دولتي بنسټونو انحلال د افغانانو له غوښتنو سره په ټکر کې دي او باید اصلاح شي.
نوموړې د افغانستان لپاره د امریکا ځانګړي استازي توماس وسټ سره یوځای د طالبانو د بهرنیو چارو وزیر امیرخان متقي سره هم خبرې اترې کړې دي.
له دې وړاندې توماس وسټ په یو لړ ټویټونو کې ویلي وو، چې د طالبانو له خوا د بشر حقونو د ښځو او نجونو رول په وړاندې د دوامداره او د پراختیا په حال کې بندیزونو په وړاندې یو لاس نړیوال مخالفت اعلان کړی.
