کابل کې د القاعدې رهبر وژل؛ امریکا د القاعده غچ اخیستونکو بریدو د احتمال په اړه خبرداری ورکړ

لخوا Aamaj News

د افغانستان پلازمینه کې د القاعده رهبر ایمن الظواهري په وژل کېدو پسې، امریکا له دې هېواد څخه بهر خپلو وګړو ته د احتمالي بریدونو په اړه خبرداری ورکړی.

د امریکا بهرنیو چارو وزارت ویلي؛ چې د الظواهري وژل کېدل کولی چې د القاعده ملاتړي او نورې تروریستي ډلې دې ته اړ کړي چې د متحده ایالاتو ودانۍ او وګړي موخه وګرځوي.

یاد وزارت امریکایي وګړو ته خبرداری ورکړی چې له دې هېواد څخه بهر ته د سفر پر مهال خپل امنیت ته پام وکړي.

د القاعدې رهبر (یک‌شنبه د زمري ۹مه) د افغانستان پلازمینه کابل کې د امریکا یوې بې‌پیلوټه الوتکې په برید کې ووژل شو.

اړوند لیکنې

یو نظر پریږدئ