یو افغان په امریکا کې د دوو کسانو د وژلو په تور ونیول شو

لخوا Aamaj News

اسوشیټیډ پریس راپور ورکړی چې د امریکا د نیو مکسیکو ایالت پولیسو د محمد سید په نوم یو ۵۱ کلن افغان د د دغه ایالت په البوکرکي ښار کې د دوو مسلمانانو د وژلو په تور نیولی دی.

محمد سید د افتاب حسین او محمد افضل حسین په نومونو د دوو پاکستانیانو په وژلو تورن دی.

د دغه ښار د پولیسو چارواکو ویلي دي چې محمد سید د دوو نورو کسانو په وژلو هم شکمن دی.

د البوکرکي ښار پولیسو د دوشنبې په ورځ محمد سید ونیو او د سه شنبې په ورځ (زمري ۱۸مه) په رسمي ډول د افتاب حسین او محمد افضل حسین په وژلو تورن شو.

د البوکرکي پولیسو ویلي دي چې د دغو وژنو اصلي انګیزه لا نه ده معلومه.

په تیرو ۹ میاشتو کې په نیو میکسیکو ایالت کې څلور مسلمانان وژل شوي دي.

اړوند لیکنې

یو نظر پریږدئ