طالبان پنج داعشی را به اتهام حمله‌های موشکی بر خاک تاجیکستان و اُزبیکستان بازداشت کردند

توسط Aamaj News

ذبیح‌الله مجاهد، سخن‌گوی طالبان می‌گوید که جنگ‌جویان آنان شب گذشته طی یک عملیاتی در اما‌م‌صاحب کندز یک مرکز داعشی‌ها را کشف و از بین برده‌اند.

به گفته‌ی او این عملیات در منطقه‌ی قنجغه ولسوالی امام‌صاحب ولایت کندز راه‌اندازی شده که در نتیجه آن سه داعشی کشته شده و پنج تن دیگر بازداشت شده است.

او در توییترش نگاشته است این افراد چندی‌پیش بر تاجیکستان و ازبیکستان موشک ‌پراگنی کرده بودند.

این در حالی‌ست که در روز‌های اخیر حمله‌ها از خاک افغانستان بر تاجیکستان و اُزبیکستان افزایش پیدا کرده که هم‌واره گروه داعش مسوولیت این حمله‌ها را بر عهده گرفته است‌.

پست‌های مرتبط

نظر بگذارید