ملا عبدالغنی برادر، معاون نخست ملا محمدحسن آخند، نخست‌وزیر حکومت طالبان با وانگ یو، سفیر چین در کابل دیدار کرد.
در این دیدار ملا برادر از کمک‌های کشور چین قدردانی کرده و تاکید کرده است که برای پیش‌رفت اقتصادی افغانستان باید گام‌های اساسی برداشته شود.
سفیر چین نیز از طالبان خواهان مبارزه جدی با فساد، پرداختن معاش‌های کارمندان دولت، تصفیه صفوف نیروهای طالبان و تامین امنیت شده است. او افزود که چین به هم‌کاری خود با حکومت طالبان ادامه می‌دهد.
این در حالی‌ست که پیش از این نیز کشور چین کمک‌های بشردوستانه و واکسین کرونا را برای مردم افغانستان فرستاده بود.
