نگرانی سازمان ملل از اخراج پناه‌جویان افغانستان توسط حکومت تاجیکستان

توسط Aamaj News

کمیساری عالی پناهنده‌گان سازمان ملل «UNHCR» از اخراج پناه‌جویان افغانستان توسط مقام‌های حکومت تاجیکستان و افزایش مانع‌ها برای شهروندان افغانستان در این‌ کشور ابراز نگرانی کرده است. 

بر اساس معلومات این نهاد، در پایان ماه جولای سال روان میلادی، مقام‌های محلی تاجیکستان صدور مجوز اقامت برای همه شهروندان افغانستان تازه وارد را به حالت تعلیق درآورده‌اند و در ماه نوامبر، ۱۱ مرد، زن و کودک افغان که در تاجیکستان پناهنده بودند به افغانستان بازگردانده شدند.

کمیساری عالی پناهند‌ه‌گان سازمان ملل از حکومت تاجیکستان خواسته است که از اخراج اجباری پناه‌جویان افغانستان به این کشور خودداری کند و «به‌طور فوری مرحله‌های اقامت قانونی و تعیین وضعیت پناهنده‌گی» را از سر بگیرد. 

این در حالی‌ست که در سال‌های اخیر شهروندان افغانستان، به‌منظور سفر به کشورهای غربی، با مهاجرت به تاجیکستان، در دفترهای کمیساری عالی پناهنده‌گان سازمان ملل، پرونده‌ی مهاجرتی باز کرده‌اند.

پست‌های مرتبط

نظر بگذارید