رسانه‌‌های تاجیکستانی گزارش داده‌اند که پولیس این‌‌کشور دو شهروند افغانستان را با ۹۲ کیلوگرام موادمخدر در ختلان تاجیکستان بازداشت کرده‌اند.
بر اساس گزارش‌ها این فردها در مرز افغانستان و تاجیکستان در ولسوالی هم‌دونی ختلان بازداشت شده‌اند.
طبق گزارش‌ها بازداشت شده‌گان باشنده‌گان ولایت تخار هستند که ۹۲ کیلوگرام موادمخدر از نزد آنان کشف و ضبط شده است و تحقیقات از نزد آنان جریان دارد.
از نزد بازداشت شده‌گان ۷۹.۱۵ کیلوگرام تریاک خام و ۱۳.۷۰ کیلوگرام حشیش (چرس) دریافت شده است.
قابل ذکر است که بر اساس مقرره‌های قانون مجازات تاجیکستان، به قاچاق موادمخدر تا ۲۰ سال حبس پیش‌بینی شده است.
