رییس‌جمهور تاجیکستان با دبیرکُل سازمان ملل در مورد افغانستان صحبت کرد

توسط Aamaj News

امام‌علی رحمان، رییس‌جمهور تاجیکستان در تماس تلفنی با آنتونیو گوترش، دبیرکُل سازمان ملل در مورد افغانستان صحبت کرده است.

‏دفتر ریاست‌جمهوری تاجیکستان اعلام کرده که امام‌علی رحمان در این گفت‌و‌گوی تلفنی خواهان ادامه کمک‌های بشردوستانه جامعه جهانی به مردم افغانستان شده است.

رییس‌جمهور تاجیکستان گفته است که جهان نباید مردم «رنج دیده» افغانستان را در شرایط سخت کنونی تنها بگذارد.

دفتر ریاست جمهوری تاجیکستان در اطلاعیه‌ای اظهارداشت که این کشور آمادگی دارد تا قابلیت‌های تدارکاتی خود را برای کمک به مردم افغانستان در اختیار جامعه جهانی قرار دهد.

این‌ اظهارات رییس‌جمهور تاجیکستان در حالی‌ست که دولت این کشور هم‌چنان پناه‌جویان افغانستان را اخراج می‌کند.
کمیساریای عالی سازمان ملل در امور پناه‌جویان در واکنش به اخراج اجباری پناه‌جویان کشور از تاجیکستان از دولت دوشنبه خواسته بود این روند را متوقف کند.

پست‌های مرتبط

نظر بگذارید