امیرخان متقی، وزیر امور خارجه‌ی طالبان رهسپار اُزبیکستان شده است.
خبرگزاری باختر تحت اداره‌ی طالبان امروز (یک‌شنبه، ۲ اسد) گزارش داده است که امیر خان متقی، در رأس یک هیات بلندرتبه امروز عازم تاشکند، پایتخت اُزبیکستان شد.
گفته می‌شود این هیات به‌دعوت رسمی مقام‌های اُزبیکستانی به‌منظور اشتراک در نشست بین‌المللی عازم آن کشور شده است.
این در حالی‌ست که قرار است فردا یک نشست بین‌المللی دو روزه به محوریت افغانستان، با اشتراک نماینده‌گان ده‌ها کشور و سازمان در تاشکند، پایتخت اُزبیکستان برگزار شود.
