مجاهد به عمران خان: افغانستان از نگاه کادر غنی است؛ نیازی به نیروی بشری بیرونی نیست

توسط Aamaj News

ذبیح‌الله مجاهد، سخن‌گوی حکومت طالبان به تصمیم عمران خان، نخست‌وزیر پاکستان برای فرستادن نیروی بشری به افغانستان، واکنش نشان داد.

آقای مجاهد به بی‌بی‌سی گفته است که از پاکستان تشکر می‌کنند، اما به نیروی کاری بیرونی ضرورت ندارند.

سخن‌گوی حکومت طالبان می‌افزاید، به حد کافی کادرهای تحصیل‌کرده در افغانستان وجود دارند.

ذبیح‌الله مجاهد می‌گوید: «جوانان تحصیل‌کرده کافی برای کار در وزارت‌خانه‌ها موجود اند و نیازی به نیروی بشری بیرونی نیست.»

او تاکید می‌کند: «شما می‌دانید که کشورها در صورت نیاز می‌توانند کادرهایی را از خارج کشور بخواهند، اما شکر خداوند افغانستان از نگاه کادر غنی است.»

سخن‌گوی حکومت طالبان در بخشی صحبت‌هایش تصریح می‌کند که پیشنهاد نیروی بشری را که عمران خان مطرح کرده است، کشورهای مختلف مطرح کرده‌اند.

پست‌های مرتبط

نظر بگذارید