وزیر خارجه‌ی تاجیکستان بر ضرورت مبارزه با تروریسم در افغانستان تأکید کرد

توسط Aamaj News

 توماس ویست، نماینده ویژه‌ی وزارت امور خارجه‌ی امریکا برای افغانستان که به تاجیکستان سفر کرده است، ام‌روز (چهارشنبه، ۱۱ جوزا) با وزیر خارجه‌ی این کشور گفت‌وگو کرد.

بر اساس خبرنامه‌ای وزارت امور خارجه‌ی تاجیکستان، سراج‌الدین مهرالدین، وزیر امور خارجه‌ی این کشور در دیدار با توماس ویست بر ضرورت مبارزه با تروریسم بین‌المللی در افغانستان تأکید کرده است.

در این دیدار دو طرف خواستار گسترش هم‌کاری‌ها در زمینه‌ی تحکیم امنیت مرزهای افغانستان و تاجیکستان و ارایه‌ی کمک‌های بشردوستانه به مردم افغانستان شده‌اند.

گفته می‌شود که نماینده ویژه وزارت خارجه امریکا برای افغانستان با شماری از سیاست‌مداران این کشور که در تاجیکستان به سر می‌برند نیز گفت‌وگو خواهد کرد.

قابل ذکر است که اقای وست از چندی به این‌سو، سفرهایش را به کشورهای منطقه آغاز کرده است.

او پیش از این در ترکیه با شماری از سیاسیون افغانستان نیز دیدار داشته است.

پست‌های مرتبط

نظر بگذارید