تاجیکستان از وجود گروه‌های مسلح غیرقانونی در قزاقستان، ابراز نگرانی کرد

توسط Aamaj News

وزارت امور خارجه‌ی تاجیکستان در رابطه با ناآرامی‌های اخیر در قزاقستان ام‌روز (پنج‌شنبه، ۱۶ جدی) در بیانیه‌ای از اوضاع متشنج در قزاقستان ابراز نگرانی کرده است.

در این بیانیه هم‌چنان گفته شده است که تاجیکستان از وجود گروه‌های مسلح غیرقانونی در قزاقستان که صاحب سلاح و مهمات جنگی شده‌اند، نگران است.

وزارت خارجه‌ی تاجیکستان ابراز امیدواری کرده است که این خشونت‌ها به زودترین فرصت از طریق گفت‌وگو حل شود.

هم‌زمان با این بیانیه، تاجیکستان آماده‌گی خود را برای شرکت در عملیات در قزاقستان برای رفع خطرهای به میان آمده نیز اعلام کرده است.

این در حالی‌ست که تاجیکستان یکی از شش کشور عضو پیمان امنیت دسته‌جمعی کشورهای مستقل مشترک‌المنافع است.

قابل ذکر است که در این سازمان کشورهای روسیه، قزاقستان، تاجیکستان، قیرقزستان، ارمنستان و بلاروس شامل هستند.

پست‌های مرتبط

نظر بگذارید