آنتونیو گوترش، دبیرکُل سازمان ملل می‌گوید که حادثه‌های ترافیکی پس از درگیری‌‌های مسلحانه سالانه بیش‌ترین قربانی را از شهروندان در جهان می‌گیرد.
دبیرکُل سازمان ملل امروز (دوشنبه، ۲۱ نوامبر) در توییتی قربانیان سالانه رویدادهای ترافیکی را نشر کرده است.
آقای گوترش افزوده است سالانه ۱.۳ میلیون نفر به دلیل وقوع حادثات ترافیکی جان‌های‌شان را از دست می‌دهند و ۵۰ میلیون تن دیگر زخمی می‌شوند.
نام‌برده تأکید کرده است که با ایمن کردن جاده‌ها می‌توان زنده‌گی بسیاری از شهروندان را در سراسر جهان نجات داد.
این در حالی‌ست که در افغانستان نیز سالانه هزار‌ها نفر به دلیل رویدادهای ترافیکی جان‌های‌شان را از دست می‌دهند.
نبود جاده‌های معیاری و عدم تطبیق قانون‌های ترافیکی از دلیل‌های رویدادهای ترافیکی در کشور گفته می‌شود.
