تیم ملی فوتبال نوجوانان افغانستان برای حضور در رقابتهای قهرمانی زیر ۱۹ سال مرکز آسیا عازم تاجیکستان شد.
فدراسیون فوتبال افغانستان با نشر خبرنامهای نگاشته است که تیم ملی نوجوانان افغانستان بعد از ظهر امروز (سهشنبه، ۱۱ اسد) کابل را به مقصد دوشنبه ترک کرده است.
بر اساس این خبرنامه، این مسابقهها از تاریخ ۵ تا ۱۲ ماه روان میلادی با حضور تیمهای ملی افغانستان، تاجیکستان، ایران، اُوزبیکستان و قرغیزستان در ورزشگاه مرکزی شهر دوشنبه برگزار خواهد شد.
گفته میشود که تیم فوتبال زیر ۱۹ سال افغانستان با تیمهای قرغیزستان، تاجیکستان، ایران و اُوزبیکستان رقابت میکند.
باید یادآور شد که نخستین دیدار افغانستان در این رقابتها، روز جمعه در مقابل تیم ملی قرغیزستان برگزار خواهد شد.